BBC Report on Pakistani Drama Industry: Payments Controversy or Misleading Narrative

Pakistani Drama BBC Report
Pakistani Artist Payment Controversy
BBC on Pakistani Drama

پاکستانی ڈرامہ انڈسٹری: ادائیگیوں کا تنازع یا BBC کی یکطرفہ رپورٹ؟

بی بی سی نے ایک رپورٹ شائع کی ہے جس میں چند پاکستانی فنکار اور ایک ڈائریکٹر اپنی ادائیگی دیر سے ملنے یا نہ ملنے کی بات کر رہے ہیں۔ میرا خیال ہے کہ ادائیگی کے مسائل موجود ہیں، لیکن یہ خبر یکطرفہ لگتی ہے، جس سے یہ تاثر پیدا ہوتا ہے کہ ہماری پوری انڈسٹری ہی خراب ہے۔ یہ اُن پروڈکشن ہاؤسز کے ساتھ زیادتی ہو گی جو وقت پر ادائیگی کرتے ہیں۔

جن فنکاروں نے اس رپورٹ میں شکایات کی ہیں وہ بھی دن رات اسی انڈسٹری میں کام کر رہے ہیں، تو ان میں یہ ہمت ہونی چاہیے کہ وہ اُن پروڈکشن ہاؤسز کے نام لیں جنہوں نے اُن کی ادائیگی روکی، اور خاص طور پر اُن کا ذکر بھی لازمی کریں جو وقت پر پیمنٹ کرتے ہیں۔

جیسے کہ Big Bang، iDream، Six Sigma، M.D Productions، Momal Productions، 7th Sky اور Green Entertainment۔ مجھے جتنا علم ہے، یہ سب پروڈکشن ہاؤسز وقت پر ادائیگیاں کر رہے ہیں۔ اگر یہ پیمنٹ نہ کریں تو اِن کا کام کیسے چلے گا اور پھر لوگ اِن کے ساتھ کام کیوں کریں گے؟

کچھ عرصہ پہلے واقعی صورتحال بہت خراب تھی اور پیمنٹ اکثر پھنسی رہتی تھی، لیکن آج کل حالات اُس طرح کے نہیں ہیں جیسے اس رپورٹ کو دیکھ کر لگ رہا ہے۔ مزید یہ کہ جن پروڈکشن ہاؤسز کے میں نے نام لیے ہیں، میری معلومات کے مطابق وہ آج کل وقت پر پیمنٹ کر رہے ہیں۔

اس کہانی میں ٹیکنیکل اسٹاف کا مؤقف بھی شامل ہونا چاہیے تھا۔ کیونکہ جہاں تک میرا تجربہ ہے، آج کل کے بڑے فنکار بغیر ایڈوانس پیمنٹ کے سیٹ پر آتے ہی نہیں۔ اصل میں نچلے اسٹاف کے پیسے زیادہ تر پھنستے ہیں۔ اور کچھ پروڈکشن ہاؤسز ایسے بھی ہیں جو پہلی قسط سے پہلے ہی اپنے اسٹاف کو تنخواہیں دیتے ہیں، جیسے Big Bang Entertainment۔ ایسے اداروں کو ہمیں اپریشیٹ کرنا چاہیے۔ ✅

بی بی سی کو ایک طرفہ کہانی نہیں دکھانی چاہیے تھی۔ جن فنکاروں اور ڈائریکٹرز نے اس میں بات کی ہے، انہیں کم از کم ان پروڈکشن ہاؤسز کا بھی ذکر کرنا چاہیے تھا جہاں انہیں نہ صرف وقت پر بلکہ بعض اوقات وقت سے پہلے بھی ادائیگیاں ملتی ہیں۔

اس رپورٹ میں پروڈکشن اسٹاف کے کھانے کا بھی ذکر کیا گیا ہے کہ انہیں مناسب کھانا نہیں دیا جاتا، لیکن میرے خیال میں یہ بھی درست تاثر نہیں ہے۔ جتنے پروڈیوسرز کو میں جانتا ہوں، سب اپنے اسٹاف کے کھانے پینے کا خاص خیال رکھتے ہیں۔

یہ درست ہے کہ پہلے کے مقابلے میں آج کے حالات کافی بہتر ہیں۔ اگر یہ بڑے پروڈکشن ہاؤسز ادائیگیاں نہ کریں تو اس پیمانے پر ڈرامے بن ہی نہیں سکتے۔ ہاں، یہ بھی حقیقت ہے کہ کچھ پروڈکشن ہاؤسز آج بھی ادائیگیوں میں تاخیر کرتے ہیں، لیکن یہ کہنا کہ پوری انڈسٹری ایسی ہے، بالکل غلط ہوگا۔

اس کہانی میں شکایت کرنے والے فنکاروں اور ڈائریکٹرز کو کھل کر بات کرنی چاہیے تھی۔ اگر واقعی انہیں اتنے ہی مسائل ہیں تو یہ سوال بھی بنتا ہے کہ پھر وہ اسی انڈسٹری میں اتنا زیادہ کام کیوں کر رہے ہیں؟ انہیں اپنے بیانات کی وضاحت بھی کرنی چاہیے تاکہ یہ صاف ہو سکے کہ اصل مسئلہ کہاں ہے اور کن لوگوں کے ساتھ ہے، ورنہ پوری انڈسٹری پر منفی تاثر پڑتا ہے۔

📌 BBC Story Link

By Khurram Salahuddin

تبصرے

ایک تبصرہ شائع کریں

اس بلاگ سے مقبول پوسٹس

تصویر
فہد مصطفیٰ کی دوسری شادی کی کہانی فہد مصطفیٰ کی دوسری شادی کی حقیقت؟ فہد مصطفیٰ کی دوسری شادی کی خبریں کافی عرصے سے میڈیا میں گردش کر رہی ہیں، مگر اب تک فہد مصطفیٰ کی جانب سے نہ تو اس کی تردید کی گئی ہے اور نہ ہی تصدیق۔ میری ذاتی رائے یہ ہے کہ میں اس بحث میں نہیں پڑنا چاہتا کہ انہوں نے دوسری شادی کی ہے یا نہیں۔ اور اگر واقعی انہوں نے دوسری شادی کر بھی لی ہے تو عوام کو اتنا منفی ردعمل دینے کی کیا ضرورت ہے؟ آخر انہوں نے نکاح ہی کیا ہے، کوئی غلط کام تو نہیں کیا۔ ہاں، یہ ضرور ہے کہ اگر انہوں نے شادی کر لی ہے تو بہتر ہوگا کہ وہ کھل کر اس کا اعتراف کریں اور اسے عزت و وقار کے ساتھ نبھائیں۔ اب اپنی اصل بات کی طرف آتے ہیں۔ جس خاتون کا نام فہد مصطفیٰ کے ساتھ جوڑا جا رہا ہے، ان کا نام حنا امان ہے، اور ان کا مکمل نام حنا یونس ہے۔ میری ملاقات حنا سے 2014 میں ہوئی جب میں فہیم برنی کے ڈرامے "دے اجازت جو تُو" کی ایڈیٹنگ پر کام کر رہا تھا، ان کے پروڈکشن ہاؤس میں۔ اصل میں حنا امان اس ڈرامے کی اسسٹنٹ ڈائریکٹر تھیں۔ اس...
مزید پڑھیں
تصویر
ڈرامہ ریویو: Sanwal Yaar Piya Episode 01 (سانول یار پیا) ڈرامہ ریویو: سانول یار پیا کی پہلی قسط Sanwal Yaar Piya Episode 01 – پہلی قسط کی مکمل کہانی اور ریویو ڈرامہ سیریل "سانول یار پیا" کی پہلی قسط کا آغاز فلمی انداز میں کیا گیا ہے۔ کہانی ایک ایسی ماں سے شروع ہوتی ہے جو لیبر پین سے گزر رہی ہے، جبکہ اس کا شوہر جوئے میں ڈوبا ہوا ہے۔ اس سے پہلے بھی اس کے دو بچے بروقت علاج نہ ہونے کے باعث جان کی بازی ہار چکے ہیں۔ غربت کی ماری یہ عورت سلائی کڑھائی کر کے گھر کا خرچ چلاتی ہے اور اسی وقت اپنے شوہر کو چار سو ستر رپے نکال کر دیتی ہے لیکن وہ بھی وہ جوئے میں ہار دیتا ہے۔ حقیقت میں یہ کردار ایک کسمپرسی کی تصویر ہونا چاہیے تھا، لیکن ڈرامے میں دکھایا گیا ہے کہ یہ ماں فل میک اپ میں، بنی سنوری اور ٹپ ٹاپ انداز میں موجود ہے۔ یہی تضاد کہانی کی اصل شدت کو کم کر دیتا ہے اور ناظرین کو یہ سوچنے پر مجبور کرتا ہے کہ کیا یہ حقیقت کے قریب منظرنامہ ہے یا صرف ایک ڈرامائی دکھاوا؟ شوہر جوئے میں ہی لگا رہتا ہے، ادھر بیوی جان کی بازی ہار...
مزید پڑھیں
تصویر
Vulgarity Not Art Vulgarity Not Art HERE" alt="Film Scene 2"> " alt="Actress Example"> " alt="Showbiz Scene"> یہ ہے وہ وہیات فلم جو اب ریلیز ہونے جا رہی ہے۔ ہمیں اس طرح کی فلموں کی حوصلہ شکنی کرنی چاہیے۔ میکرز کہتے ہیں کہ ہم نے اس فلم کے ذریعے معاشرے کی بڑی برائی کو ہائی لائٹ کیا ہے، میں کہتا ہوں کہ کوئی بھی میسج ہو، بغیر فحاشی کے بھی آپ لوگ سمجھا سکتے ہیں۔ فحاشی اگر اتنی ہی کارآمد ہے آپ لوگوں کے لیے، تو ماضی کی بہت سی فحاش اداکارائیں شادی کر کے گمنامی کی زندگی کیوں گزار رہی ہیں؟ وہ اس گند کو آ کر اب کیوں اون نہیں کرتیں؟ مان لیں بے حیائی کی عمر زیادہ لمبی نہیں ہوتی، بہت سی مثالیں موجود ہیں جن میں سے دو کے نام فی الحال مجھے یاد آ رہے ہیں: انیتا ایوب اور قندیل بلوچ۔ کہاں ہیں یہ آج کل؟ جب کہ ہماری بہت سی اداکارائیں بہت عرصے سے نہ صرف اپنی حدود میں رہتے ہوئے میڈیا میں کام کر رہی ہیں بلکہ ایک اچھی شادی شدہ زندگی بھی گزار رہی ہیں، جن کا کیریئر بہت لمبا ...
مزید پڑھیں