Pakistani Drama Sher Under Fire for Controversial Dialogue

ڈرامہ سیریل "شیر" – متنازعہ ڈائیلاگ

Pakistani Drama Sher
Pakistani Drama Sher Review

اس ڈرامے کی رائٹر زنجبیل عاصم ہیں، جو اپنے ڈراموں میں ریٹنگ کے لیے اکثر ایسے ڈائیلاگز شامل کر دیتی ہیں جو ہمارے معاشرتی اقدار کی عکاسی نہیں کرتے۔

کہانی دو بڑے جاگیرداروں کے درمیان دشمنی کے گرد گھومتی ہے۔ ابتدا میں ان کے تعلقات اچھے دکھائے گئے ہیں، لیکن زمین کے تنازع کی وجہ سے اختلافات شدت اختیار کر لیتے ہیں اور یہ جھگڑا دشمنی تک پہنچ جاتا ہے۔

ڈرامے میں نبیل ظفر ایک بااثر جاگیردار کا کردار ادا کر رہے ہیں، جن کی بیٹی سارہ خان ہے۔ دوسری طرف، دانش تیمور "شیر" کے کردار میں نظر آ رہے ہیں، جو ایک بہادر اور اصول پسند شخص ہے۔

کہانی کے دوران سارہ خان اور شیر ایک دوسرے کو پسند کرنے لگتے ہیں۔ لیکن جب شیر اپنے والدین کے ساتھ رشتہ لے کر آتا ہے، تو نبیل ظفر غصے میں آ کر اپنی بیٹی کی بات رد کر دیتے ہیں۔ اسی موقع پر کچھ ایسے جملے بولے گئے جن پر سوال اٹھایا جا رہا ہے۔

“تم میرے لیے مر چکی ہو، شاید شیر تمہاری قدر مجھ سے زیادہ کرتا ہے۔”

یہاں تک تو کہانی میں جذبات کی شدت دکھائی گئی، لیکن اس کے بعد ایک ڈائیلاگ شامل کیا گیا ہے جسے غیر ضروری اور توہین آمیز سمجھا جا رہا ہے۔ والد اپنی بیٹی کے بارے میں کہتا ہے:

“یہ اسی قابل ہے کہ اسے قیمت دے کر لے جایا جائے”

یہ جملہ ہمارے معاشرتی اور اخلاقی اقدار کے خلاف ہے۔ حقیقت یہ ہے کہ پاکستانی والدین، چاہے کسی بھی طبقے سے تعلق رکھتے ہوں، اپنی بیٹی کو کبھی اس انداز میں رسوا نہیں کرتے۔

میرا مؤقف

ہم اکثر کہتے ہیں کہ ہمارے ڈرامے ہمارے معاشرے کی عکاسی کرتے ہیں۔ لیکن اگر انہی ڈراموں میں ایسے ڈائیلاگز شامل کیے جائیں جو ہماری اقدار کے خلاف ہوں تو یہ تضاد پیدا کرتا ہے۔ میرا خیال ہے کہ ہمارے رائٹرز کو ایسے جملوں سے گریز کرنا چاہیے تاکہ کہانی حقیقت پسندانہ بھی رہے اور اخلاقی حدود کے اندر بھی۔

آپ اس بارے میں کیا سوچتے ہیں؟ اپنی رائے کمنٹس میں ضرور دیں۔

📌 مجھے انسٹاگرام پر فالو کریں: @khurram.salahuddin81
📌 فیس بک پر بھی جڑیں: Khurram Salahuddin

By Khurram Salahuddin

تبصرے

ایک تبصرہ شائع کریں

اس بلاگ سے مقبول پوسٹس

تصویر
فہد مصطفیٰ کی دوسری شادی کی کہانی فہد مصطفیٰ کی دوسری شادی کی حقیقت؟ فہد مصطفیٰ کی دوسری شادی کی خبریں کافی عرصے سے میڈیا میں گردش کر رہی ہیں، مگر اب تک فہد مصطفیٰ کی جانب سے نہ تو اس کی تردید کی گئی ہے اور نہ ہی تصدیق۔ میری ذاتی رائے یہ ہے کہ میں اس بحث میں نہیں پڑنا چاہتا کہ انہوں نے دوسری شادی کی ہے یا نہیں۔ اور اگر واقعی انہوں نے دوسری شادی کر بھی لی ہے تو عوام کو اتنا منفی ردعمل دینے کی کیا ضرورت ہے؟ آخر انہوں نے نکاح ہی کیا ہے، کوئی غلط کام تو نہیں کیا۔ ہاں، یہ ضرور ہے کہ اگر انہوں نے شادی کر لی ہے تو بہتر ہوگا کہ وہ کھل کر اس کا اعتراف کریں اور اسے عزت و وقار کے ساتھ نبھائیں۔ اب اپنی اصل بات کی طرف آتے ہیں۔ جس خاتون کا نام فہد مصطفیٰ کے ساتھ جوڑا جا رہا ہے، ان کا نام حنا امان ہے، اور ان کا مکمل نام حنا یونس ہے۔ میری ملاقات حنا سے 2014 میں ہوئی جب میں فہیم برنی کے ڈرامے "دے اجازت جو تُو" کی ایڈیٹنگ پر کام کر رہا تھا، ان کے پروڈکشن ہاؤس میں۔ اصل میں حنا امان اس ڈرامے کی اسسٹنٹ ڈائریکٹر تھیں۔ اس...
مزید پڑھیں
تصویر
ڈرامہ ریویو: Sanwal Yaar Piya Episode 01 (سانول یار پیا) ڈرامہ ریویو: سانول یار پیا کی پہلی قسط Sanwal Yaar Piya Episode 01 – پہلی قسط کی مکمل کہانی اور ریویو ڈرامہ سیریل "سانول یار پیا" کی پہلی قسط کا آغاز فلمی انداز میں کیا گیا ہے۔ کہانی ایک ایسی ماں سے شروع ہوتی ہے جو لیبر پین سے گزر رہی ہے، جبکہ اس کا شوہر جوئے میں ڈوبا ہوا ہے۔ اس سے پہلے بھی اس کے دو بچے بروقت علاج نہ ہونے کے باعث جان کی بازی ہار چکے ہیں۔ غربت کی ماری یہ عورت سلائی کڑھائی کر کے گھر کا خرچ چلاتی ہے اور اسی وقت اپنے شوہر کو چار سو ستر رپے نکال کر دیتی ہے لیکن وہ بھی وہ جوئے میں ہار دیتا ہے۔ حقیقت میں یہ کردار ایک کسمپرسی کی تصویر ہونا چاہیے تھا، لیکن ڈرامے میں دکھایا گیا ہے کہ یہ ماں فل میک اپ میں، بنی سنوری اور ٹپ ٹاپ انداز میں موجود ہے۔ یہی تضاد کہانی کی اصل شدت کو کم کر دیتا ہے اور ناظرین کو یہ سوچنے پر مجبور کرتا ہے کہ کیا یہ حقیقت کے قریب منظرنامہ ہے یا صرف ایک ڈرامائی دکھاوا؟ شوہر جوئے میں ہی لگا رہتا ہے، ادھر بیوی جان کی بازی ہار...
مزید پڑھیں
تصویر
Vulgarity Not Art Vulgarity Not Art HERE" alt="Film Scene 2"> " alt="Actress Example"> " alt="Showbiz Scene"> یہ ہے وہ وہیات فلم جو اب ریلیز ہونے جا رہی ہے۔ ہمیں اس طرح کی فلموں کی حوصلہ شکنی کرنی چاہیے۔ میکرز کہتے ہیں کہ ہم نے اس فلم کے ذریعے معاشرے کی بڑی برائی کو ہائی لائٹ کیا ہے، میں کہتا ہوں کہ کوئی بھی میسج ہو، بغیر فحاشی کے بھی آپ لوگ سمجھا سکتے ہیں۔ فحاشی اگر اتنی ہی کارآمد ہے آپ لوگوں کے لیے، تو ماضی کی بہت سی فحاش اداکارائیں شادی کر کے گمنامی کی زندگی کیوں گزار رہی ہیں؟ وہ اس گند کو آ کر اب کیوں اون نہیں کرتیں؟ مان لیں بے حیائی کی عمر زیادہ لمبی نہیں ہوتی، بہت سی مثالیں موجود ہیں جن میں سے دو کے نام فی الحال مجھے یاد آ رہے ہیں: انیتا ایوب اور قندیل بلوچ۔ کہاں ہیں یہ آج کل؟ جب کہ ہماری بہت سی اداکارائیں بہت عرصے سے نہ صرف اپنی حدود میں رہتے ہوئے میڈیا میں کام کر رہی ہیں بلکہ ایک اچھی شادی شدہ زندگی بھی گزار رہی ہیں، جن کا کیریئر بہت لمبا ...
مزید پڑھیں